VISITA EL PARQUE ESCULTÓRICU NEL ESTERIOR DEL MUSÉU Y PARA VER INFORMACIÓN DE CADA PIEZA, PRIME LA SO FOTOGRAFÍA NEL LLISTÁU INFERIOR.

Col envís de que’l centru nun quedara reducíu a esponer les sos colecciones namás nel interior, pensóse nel allongamientu de les sos obres al esterior. Asina ye como, na franxa costera qu’arrinca na rodiada del muséu y bordia’l cabu de San Antonio, creóse nel 1989 esti xardín escultóricu frutu de la estrecha collaboración ente’l Conceyu de Carreño y la Conseyería de Cultura del Principáu d’Asturies. Una esperiencia pionera n’Asturies.

La colección cunta con venticuatro pieces pertenecientes a escultores contemporáneos, ente los que s’atopen dellos artistes becaos pol mesmu Muséu Antón al traviés del so programa de beques d’ayuda a la creación y a la investigación escultórica.