Conocida tamién como “L’obreru atristrayáu”, esta escultura ye una fundición en bronce que reproduz nel 1998 la realizada por “Antón” nel 1932. La obra orixinal ta nel campusantu de L’Arena (Muros), nel Panteón de Luciano Casimiro Vega.
Nel orixe foi un encargu que fixo la Casa Albo a Antón pa homenaxar a unu de los trabayadores de la fábrica.
Única escultura funeraria fecha por Antón, modelóla orixinalmente en barru y fundida en cementu pol mesmu artista.
La obra amuesa la figura d’un home de pies, que, acorviáu pola traxedia, representa’l sufrimientu internu de dolor por nun ser a vencer la llucha pola esistencia.
L’acondicionamientu de la redolada onde s’asitia esta pieza foi obra del escultor Pablo Maojo.
