Antón foi un artista polifacéticu, que cultivó distintes maneres d’espresión artística ente les qu’apaecen pintures, dibuxos y muebles, anque la so producción foi menor en comparanza cola de les escultures.
Oleu sobro llenzu, fechu nel 1928.
El cuadru representa la devoción al Cristu de Candás, una costume bien tradicional d’esti llugar. Antón inspiróse nun cuadru del mesmu títulu del pintor Ventura Álvarez Sala. No fondero del cuadru, l’artista representa’l cabu de San Antonio, onde ta allugáu’l faru y la ermita del mesmu nome. Unu de los paisaxes preferíos por Antón, que volvería representar n’otres obres a lo llargo de los años.
Esti paisaxe ye una ruta conocida como La Formiga, allugada nel monte Fuxa qu’hai frente al paséu marítimu de Candás. La obra ta fecha al oleu sobre latón, reutilizando una tapa de bote de conserves.
Antón fixo tamién distintos tipos de muebles pa usu familiar. La estructura y los motivos decorativos son d’estilu tradicional y de marcáu calter popular.
Los muebles fixéronse con maderes d’escasa calidá. Usó mayoritariamente la madera de pinu, y en delles pieces tuvo que recurrir al usu de tableros que veníen de les caxes d’embalaxe de los productos conserveros.
Una vegada más tamos énte’l remangu y maña d’Antón pa resolver la falta de medios y facer la so obra con resultancies escepcionales.
