El pintor xixonés Evaristo Valle y l’industrial conserveru Alfonso Albo, fueron les persones que fixeron posible qu’Antón se treslladara a Madrid pa empecipiar la so formación artística.
Como agradecimientu, Antón creó pa caún d’ellos un bustu de bronce fundío que puedes ver nesta sala. Fixéronse dambos a partir de los modelos orixinales n’escayola..
Esti bustu ye un retratu d’Alfonso Albo, mecenes d’Antón y propietariu de la fábrica de conserves Albo de Candás. Como agradecimientu, l’escultor tamién-y retrató na pintura al oleu que ta espuesta al llau. Dambes obres tán dotaes d’una fonda espresividá na que l’artista-y da puxu. de manera estraordinaria a la visión frontal del retratáu.
Evaristo Valle afayó la capacidá artística d’Antón cuando ésti se presentó nel 1930 al V Certame Provincial de La Felguera.
Estimando’l so sofitu, fai-y esti retratu nel 1932.
Una obra ensin rastru dalu d’idealización, na qu’Antón busca namás destacar la personalidá del retratáu, faciendo resaltar, con enorme realismu, les sos traces más peculiares.
