“Nel refuxu”, ye una escultura fecha por Pablo Armesto nel 2009, cola que llogró la Beca Antón d’Ayuda a la Creación Escultórica nel 2007.
Ye una obra con carga simbólica, que se materializa nuna estructura allargada y de gran plasticidá yá que se basa nun treme de vares enxareyaes al traviés d’un procesu tradicional de construcción llamáu “cebatu”.
El mesmu autor define la so obra como “una escultura que nos fala de la valoración del nuesu espaciu interior, mesmo físicu que personal”.
